http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ndryshe nga aleatët opozitarë të PD-së, LSI votoi pro ligjit për vettingun në Policinë e Shtetit. Por kryetarja Monika Kryemadhi nuk e quan bashkim votash me socialistët. Pranimi i propozimeve nga ana e mazhorancës, bëri që deputetët e LSI-së të opozitë të jepnin votën pro ligjit.
?Nuk do ta quaja një bashkim votash, por do ta cilësoja një bashkëpunim parlamentar. E them këtë sepse gjithë klasa politike shqiptare, gjithë opinion publik ka vendosur në qendër të sulmeve politike policinë shqiptare dhe kjo ka ardhur për shkak të shumë ngjarjeve të rënda që kanë ndodhur, qoftë për kanabizimin e vendit, qoftë për rritjen e kriminalitetit, qoftë për mënyrën e funksionimit në mënyrë të organizuar të strukturave kriminale të organizuara. Të gjitha këto sillnin që vetting në polici të ishte jashtëzakonisht i domosdoshëm. LSI e ka thënë që gjithmonë votat tona sa i përket funksionimit të shtetit, sa i përket funksionimit të çdo institucioni që do të jetë në shërbim të qytetarëve nuk kanë për të munguar asnjëherë, sepse të qenurit në opozitë nuk do të thotë të jesh kundër çdo gjëje.?
Kryemadhi sqaron se para votimit ka pasur kontakte mes zyrtarëve të LSI-së dhe PD-së, për të bërë të qartë qëndrimin politik që do të mbahej në seancë.
?Petrit Vasili ka pasur kontakte me kreun e grupit parlamentar të PD-së, por më pas kanë shkuar drejt abstenimit, pasi më shumë ka të bëjë me çështje teknike, sesa ka të bëjë me çështje politike, sepse dhe vetë PD ka qenë një nga kritikuesit kryesor të policisë së shtetit dhe jam e bindur se as ata nuk janë kundër vettingut dhe pastrimit të policisë së shtetit. Megjithatë ne si Parlamenti duhet t?u japim shansin strukturave të pavarura dhe të depolitizuara. Unë mendoj se duhet të jemi shumë të kujdesshëm për të mos krijuar jo vetëm institucioneve ët pavarura, por për të mos krijuar problem edhe funksionimit të institucioneve të cilat janë shërbime të drejtpërdrejta tek qytetarët.?
Pas zgjedhjeve politike LSI u pozicionua qartë në opozitë, krah PD-së. Kur mbetet pak më shumë se një vit nga zgjedhjet lokale, që konsiderohen si testi i parë politik për bashkëpunimin politik të opozitës, Kryemadhi thotë se gjithçka do të diskutohet në kohën e duhur.
?Nuk mendoj se ka të bëjë çështje të koalicionet, sa I përket kandidaturave të përbashkëta do të ketë kohën e vetë dhe diskutimet e veta. Ne me PD jemi në një front opozitar sa i takon luftës kudër krimit të organizuar dhe dekriminalizimit të qeverisë dhe politikës shqiptare. Mendoj se hapat e tjerë do të jenë hap pas hapi dhe do të jenë të gjitha bashkë, sepse nuk është vetëm LSI, ka dhe shumë faktorë të tjerë dhe parti të tjera politike që janë faktorë në zonat të caktuara.?
Ndërkohë javën e ardhshme, LSI do të mbledhë strukturat e partisë për të nisur punën me përgatitjen e kandidaturave për pushtetin vendor.
