Kryetari i Partisë Demokratike Lulzim Basha e quan të paligjshëm arrestimin e 23 protestuesve të së shtunës, në Rrugën e Kombit, te kabinat e kalimit me pagesë të automjeteve. Në deklaratën për mediat ai akuzoi policinë se po ushtron terror ndaj banorëve të Kukësit.
Basha i bëri thirrje Kryeministrit Edi Rama të lërë të lirë të arrestuarit.
Gjatë mbrëmjes deputetë të Partisë Demokratike, qytetarë dhe anëtarë të shoqërisë civile protestuan para Drejtorisë së Policisë Tiranë, ku janë shoqëruar disa nga protestuesit e arrestuar.
