Në kufijtë e djegies së mandatit, Sajmir Tahiri u shfaq këtë të enjte në parlament, ku për herë të fundit ishte parë ne 25 tetor e vitit të shkuar në seancën kur u rrëzua kërkesa e prokurorisë për arrestimin e tij.
?Mirë se ju gjeta...?
Edhe pse kishte lajmëruar një fjalim, nuk e mori fjalën, por qëndroi deri në fund të seancës, i ulur i vetëm ne fundin e sallës.
Ne dalje te parlamentit, pasi votoi për projektligjet në rendin e ditës, Tahiri lëshoi një mesazh të fortë, duke huazuar një shprehje të vjetër të kryeministrit Rama, teksa paralajmëroi se askush nuk mund ta pengojë në betejën e tij për të bërë drejtësi.
Tahiri: ?As më mbron njeri dhe as dua njeri të më mbrojë. Për mua ka vlerë e vërteta dhe nuk ka vlerë askush që nuk mund të...ose ta them ndryshe, mund të më pengojë në rrugën time për të bërë drejtësi. Nuk e besoj që do ketë dhe bir nëne dhe bir k... që do të më pengojë.?
Rama: ?Nuk ka asnjë bir nëne dhe asnjë bir k... që të vijë dhe të më kërkojë mua në xhep lekët e veta.?
Në betejën që ka me drejtësinë, për akuzat për trafik droge, nuk është hera e parë që përdor shprehjet e Ramës.
Tahiri: ?Nuk keni parë gjë akoma.?
Rama: ?S?keni parë gjë akoma.?
Nuk është e qartë se për kë ishte mesazhi i sotëm. Por kjo është hera e dytë që flet me shprehjet e kryeministrit teksa ndodhet ne situatë jo shumë të favorshme për të.
Por vetë Tahiri mohon që të ketë dërguar mesazhe të koduara me prononcimin e tij para mediave. Në një status në FB thotë se nuk i duhet t?i çojë mesazhe njeriu dhe se po të ketë, është nga ata që i bën ato drejtpërdrejtë.
?Më intereson vetëm e vërteta dhe drejtësia, askush e asgjë tjetër.
E nuk do ndalem!? e mbyll ai mesazhin e fundit ne Facebook.
