http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Mijëra palestinezë protestuan sërish në kufirin e Gazës në raundin e fundit të protestave në kuadër të ?marshi të kthimit?.
Më shumë se 100 prej tyre mbetën të plagosur, pasi ushtria izraelite përdori gazin lotsjellës e plumba gome ndaj turmës.
Protestat për marshin e kthimit, nisën të premten e 30 marsit.Palestinezët kërkojnë rikthimin në tokat e familjeve të tyre të marra nga Izraeli gjatë luftës së vitit 1948. Por protestat arritën kulmin më 14 maj, kur të paktën 60 palestinezë mbetën të vrarë me armë zjarri e mijëra të tjerë mbetën të plagosur.
Në ditën më të përgjakshme të protestave për ?marshin e kthimit?, SHBA-të inauguruan hapjen e ambasades se re të zhvendosur nga Tel Aiviv në Jeruzalem.
Që nga fillimi i protestave 113 palestinezë janë vrarë me armë zjarri nga ushtria Izraelite.
Protestuesit thanë për mediat se marshi I kthimit nuk ka përfunduar.
Izraeli fajëson Hamasin për provokimin e dhunës. Kryeministri Benjamin Netanjahu tha se ata po shtyjnë grate dhe fëmijët në ?vijën e zjarrit?.
Grupet e të drejtave të njeriut kane ngritur shqetësime serioze për ligjin e ri, i cili i jep Izraelit më shumë kontroll mbi politikën palestineze, pasi kërcënon të drejtat themelore të palestinezëve në Jeruzalemin Lindor të pushtuar.
