Subscribe në Ora News këtu http://bit.ly/1s5j7UT
Studentët që banojnë në ambientet e Qytetit Studenti nr.2 do të përfitojnë tashmë nga dy konviktet e rinovuara rishtazi sipas parimit të efiçencës së energjisë ndërkohë që dy konviktet e tjera do të përfundojnë brenda vitit 2018.
Në ceremoninë e inaugurimit mori pjesë Ministri i Infrastrukturës dhe Energjisë Damian Gjiknuri, ambasadorja e Gjermanisë në Tiranë Susanne Schutz, anëtari i bordit menaxherial të KfW Roland Siller dhe nënkryetari i Bashkisë së Tiranës Andi Seferi.
Rikonstruksioni u krye në kuadër të financimit nga banka gjermane KfW me një shumë prej 6.8 milion euro. Projekti ka si qëllim përmirësimin e kushteve të jetesës së rreth 1000 studentëve që jetojnë në këto konvikte nëpërmjet rinovimit të godinave përmes një sistemi të përmirësuar ngrohjeje dhe izolimi si edhe rinovimit nga e para të strukturës së brendshme të godinave duke siguruar kështu kushte më të rehatshme për studentët.
Gjiknuri: ?Jam i bindur se ne shumë shpejt do të vazhdojmë dhe me fazën e dytë të këtij programi kaq të rëndësishëm për eficiencën në energji që është ndërhyrja në Qytetin Studenti numër 1. Është një ndërhyrje më e madhe e cila shkon gati 10 milionë euro, pra krahas 6 milion eurove të investuara këtu, gjë që do të përbëjë stokun më të madh të investimit në fushën e eficiencës së energjisë. Realisht është një model shumë i mirë. Qeveria shqiptare i ka dedikuar një vëmendje të veçantë eficiencës së energjisë duke e konsideruar atë një burim shumë të rëndësishëm energjie sepse vetëkursimi përbën burim?
Ambasadorja e Gjermanisë vlerësoi bashkëpunimin dhe produktin e arritur në këtë projekt.
Schutz: ?Në 30 vite të bashkëpunimit ekonomik mes Shqipërisë dhe Gjermanisë, që ne e festojmë këtë vit, ky projekt është një model i përmbushjes së objektivave. Pra po përmirësojmë kushtet e jetesës për njerëzit, të promovojmë punësimin dhe të mbështesim Shqipërinë në rrugën e saj drejt Bashkimit Evropian duke përmbushur dhe angazhimet ndërkombëtare?.
Gjiknuri: Ne me Gjermaninë, me KfW-në, kemi projekte jashtëzakonisht të rëndësishme në fushën e energjetikës, pse jo edhe në fushën tjetër të infrastrukturës në ujësjellës-kanalizime. Kam kënaqësi që ti konsideroj partnerët më seriozë që ka pasur sektori elektroenergjetik dhe sektori infrastrukturës në këto fusha.
Nënkryetari i Bashkisë së Tiranës Andi Seferi në cilësinë e përfaqësuesit e të institucionit përfitues nga ky investim, e cilësoi atë një hapësirë europiane.
Për më shumë lexoni në:
http://oranews.tv/article/qyteti-studenti-nr2-inaugurohen-godinat-e-rikonstruktuara
