Subscribe në Ora News këtu http://bit.ly/1s5j7UT
Gjermania i kërkon Francës dhe Holandës të mbështesin hapjen e negociatave të integrimit me Shqipërinë dhe Maqedoninë.
Në nisjen e takimit të Ministrave të Jashtëm të Bashkimit Evropian në Luksemburg, Ministri gjerman për Evropën Michael Roth nënvizoi se të dy vendet kanë bërë progres.
Ndaj ai ka shprehur besimin se për to do të jepet drita jeshile duke hapur negociatat.
Madje Roth duke deklaruar votën pro të Gjermanisë, ka apeluar që Franca dhe miqtë e tjerë të japin një notë pozitive në draftrezulotën që do të propozohet të votohet në samitin që do të mbahet të enjten.
Michael Roth: Demokracia dhe paqja e qëndrueshme në Ballkanin Perëndimor luajnë një rol të rëndësishëm për të gjithë ne në, kjo është arsyeja që vlerësojmë shumë përpjekjet e të dy shteteve për të forcuar sundimin e ligjit, luftën kundër korrupsionit. Qeveria gjermane është gati të mbështesë Shqipërinë dhe Maqedoninë në rrugën drejt BE-së, jemi gati të japim dritën jeshile dhe dua të inkurajoj miqtë tanë holandeze dhe francezë të na bashkohen.Unë pres një dritë jeshile për sot, nuk dua të spekuloj për ditë të tjera. Është një kompromis sepse ne duhet të bëjmë qartë se Shqipëria duhet të përmbushë disa parakushte për të hapur kapitullin e negociatave. Kjo mund të jetë një mënyrë pragmatike për të kapërcyer mosmarrëveshjet në këshill.
Ashtu si dhe ishte paralajmëruar, Ministri holandez i Punëve të Jashtme, Stef Blok, ka nënvizuar se si Shqipëria dhe Maqedonia kanë shënuar progres në reformat e ndërmarra, por ka shtuar se duhen rezultate konkrete në luftën ndaj korrupsionit.
Blok në përgjigje të gazetarëve ka shtuar se në takim do të sqarohen të gjitha pyetjet që janë mbi progresin.
Blok: Dy vendet kanë bërë progres por jo mjaftueshëm, duhen rezultate konkrete mbi korrupsionin.E rëndësishme është që të dy vendet kanë treguar këmbëngulje në luftën kundër korrupsionit por duhet të shohim më shumë.
Pyetje: Atëherë në dhjetor?
Blok: Nuk e di mund të jetë në shtator, ne duhet të shikojmë progres të mjaftueshëm. Në një anë ne mbështesim progresin që kanë bërë por nuk mund të injorojmë faktin që duhet të shohim rezultate konkrete.
Ministri i Sllovakisë, Ivan Korçok, nga ana e tij është shprehur se si Shqipëria dhe Maqedonia kanë bërë progres të dukshëm. Madje ai ka deklaruar se është optimist për marrjen e një vendimi pozitiv.
Për më shumë lexoni në:
http://oranews.tv/article/gjermania-thirrje-frances-pranoni-shqiperine
