പുതിയ ലേസര്ഗണ്ണുമായി ചൈന
സമരക്കാരെയും പ്രക്ഷോഭകരെയും നേരിടാന് പോലീസിനെ സഹായിക്കുന്ന പുതിയ ലേസര്ഗണ്ണുമായി ചൈന
ഒരുകിലോമീറ്ററോളം ദുരെനിന്ന് സമരക്കാരുടെ കൈവശമുള്ള ബാനറുകളും കൊടികളും കരിച്ചുകളയാന് സഹായിക്കുന്ന ലേസര്ഗണ്ണാണ് ചൈനയിലെ ഷിയാന് ഇന്സ്റ്റിറ്റ്യൂട്ട് ഓഫ് ഓപ്റ്റിക്സ് ആന്ഡ് പെര്സിഷന് മെക്കാനിക്സ് നിര്മിച്ചത്. ZKZM -500 എന്നാണ് ലേസര്ഗണ്ണിന്റെ പേര്. ഇതില് നിന്നുള്ള ലേസര് പ്രവാഹം നഗ്നനേത്രങ്ങള്ക്ക് കാണാന് സാധിക്കില്ല.ശബ്ദം ഒട്ടും പുറപ്പെടുവിക്കാതെ ഇതിന് പ്രവര്ത്തിക്കാനുമാകും. റീചാര്ജ് ചെയ്യാവുന്ന ലിഥിയം ബാറ്ററിയണ് ലേസര്ഗണ്ണിന് ഊര്ജം നല്കുന്നത്. ഓരോതവണ റീചാര്ജ് ചെയ്യുമ്പോഴും 1000 തവണ ഉപയോഗിക്കാന് സാധിക്കുമെന്നാണ് വിവരങ്ങള്. കൊടിയും ബാനറും മാത്രമല്ല പ്രയോഗിക്കുന്നത് ശ്രദ്ധിച്ചില്ലെങ്കില് സമരക്കാരുടെ തലമുടിയും ഉടുത്തിരിക്കുന്ന വസ്ത്രങ്ങളും വരെ കരിച്ചുകളയാന് തക്ക ശേഷിയുള്ളതാണ് പുതിയ ലേസര്ഗണ്. മനുഷ്യന്റെ ത്വക്കില് പൊള്ളലേല്പ്പിക്കാന് ഇതിന് സാധിക്കില്ലെന്നാണ് നിര്മാതാക്കള് പറയുന്നത്.
