കേരളത്തിൽ ആരാധനാ സ്വാതന്ത്ര്യം നഷ്ടപ്പെടുന്നു. എല്ലാ മതസ്ഥരുടേയും വിശ്വാസം സംരക്ഷിക്കപ്പെടണം. ശബരിമലയിൽ നടന്നത് വിശ്വാസങ്ങൾക്ക് മേലുളള കയറ്റമാണെന്നും, കേരളത്തിൽ ബിജെപിക്ക് അനുകൂലമായ സാഹചര്യമാണെന്നും കുമ്മനം പറഞ്ഞു.
കേരളത്തിൽ ബിജെപിയുടെ പ്രസക്തി വലിയ തോതിൽ വർദ്ധിച്ചു. കേരളത്തിലെ ഏതു മണ്ഡലത്തിൽ മത്സരിച്ചാലും തനിക്ക് ജനങ്ങളുടെ അംഗീകാരം ലഭിക്കും. ഞാൻ ആർക്കും ഒരു ദ്രോഹവും ചെയ്തിട്ടില്ല. അതിനാൽ തന്നെ അവർക്ക് എന്നിൽ വിശ്വാസമുണ്ട്.
ബിജെപിയെ നേരിടാൻ കേരളത്തിലും സിപിഎം-കോൺഗ്രസ് ബാന്ധവമുണ്ട്. എംഎൽഎ സ്ഥാനം രാജിവെക്കാതെ ലോക്സഭാ തെരഞ്ഞെടുപ്പിൽ മത്സരിക്കാനിറങ്ങുന്ന സിപിഎം നേതാക്കൾ ജനാധിപത്യത്തെ അവഹേളിക്കുന്നുവെന്നും അവർ എംഎൽഎ പദവി രാജിവച്ചതിന് ശേഷം തെരഞ്ഞെടുപ്പിനെ നേരിടമമെന്നും അദ്ദേഹം പറഞ്ഞു.
