Bobby-Sanjay duo to script for Mammootty
മമ്മൂട്ടിയെ മുഖ്യമന്ത്രിയായി കണ്ടതിന്റെ ആവേശം കഴിഞ്ഞതേയുള്ളു. ഈ വര്ഷം ഫെബ്രുവരി ഏട്ടിന് തിയറ്ററുകളിലേക്ക് എത്തിയ യാത്ര എന്ന ചിത്രത്തിലാണ് മമ്മൂട്ടി മുഖ്യമന്ത്രിയായത്. ഇപ്പോള് മധുരരാജയില് എംഎല്എ സ്ഥാനര്ത്ഥിയായി മത്സരിക്കുന്ന മമ്മൂട്ടിയെയായിരുന്നു കാണിച്ചത്. ഇനി മിനിസ്റ്റര് രാജ എന്നൊരു ചിത്രം കൂടി വരാനിരിക്കുകയാണ്. ഈ ചിത്രത്തിലും മമ്മൂട്ടി മന്ത്രിയോ മുഖ്യമന്ത്രിയോ ആവാന് സാധ്യതയുണ്ടെന്ന സൂചനയാണ് ടൈറ്റിലില് നിന്നും വ്യക്തമാവുന്നത്. അതേ സമയം മലയാളത്തില് നിന്ന് മറ്റൊരു പൊളിറ്റിക്കല് ത്രില്ലര് കൂടി വരാന് പോവുകയാണ്. ഇത്തവണ സകല റെക്കോര്ഡുകളും തകര്ക്കുന്നൊരു ചിത്രമായിരിക്കുമെന്ന സൂചനയാണ് കിട്ടി കൊണ്ടിരിക്കുന്നത്.
