Në rrjetin social Facebook po vazhdon beteja e publikimit të ?bombave?, gjerësisht përdoruesi i profilit ?El Cheka?, tashmë disa ditë po publikon radhazi materiale të përgjuara të paligjshme, ku bashkëbisedues pretendohet të jenë kryesisht funksionarë të BDI-së. Përdoruesi i profilit ?El Cheka? i cili pretendohet të jetë publikues i "bombave", ka publikuar dhjetëra bomba, derisa paralajmëron të publikojë një numër të konsiderueshëm të materialeve të përgjuara. Kryetari Kuvendit Talat Xhaferi njoftoi se nuk dëshiron t?u përgjigjet pyetjeve hipotetike.
Nga ana tjetër, Kryeministri Zoran Zaev, thotë se nuk i ka dëgjuar përgjimet, ndaj nuk e dinë se a janë ato materiale të njëjtat që ai i ka poseduar.
"Unë për herë të parë po dëgjoj se ka ?bomba? të reja, me shumë gjasa për shkak se jam shumë i zënë dhe nuk e di se kur janë publikuar. Duhet t'i dëgjoj dhe ta shoh se a janë ato pjesë nga materialet veçmë të publikuara, ose janë materiale të reja. Vetëm të rikujtoj, sipas vlerësimit tim, duke i parë datat e krijimit të materialeve vetëm 1/3 e materialeve kanë qenë në duar tona, me shumë gjasa se e gjithë ajo që është përgjuar ka ra edhe në duar të tjerëve, por e mira është se tanimë ekziston ligj për këtë punë".
Nga MPB-ja njoftuan se e kanë zbuluar se kush qëndron pas profilit "El Cheka" dhe se është kërkuar nga Facebooku që ky profil të bllokohet.
"Është vërtetuar se kush qëndron pas këtij profili nga ku publikohen këto përmbajtje dhe për këtë është njoftuar Prokuroria. Gjithashtu, është njoftuar edhe rrjeti social Facebook, respektivisht kompetentët në këtë kompani, se përmes serverit të tyre publikohen përmbajtje të jashtëligjshme. Pas zbardhjes së plotë të rastit, MPB-ja do të dorëzojë kallëzim penal kundër kryerësit", thuhet në reagimin e Ministrisë së Brendshme të Maqedonisë.
Publikuesi, i cili pretendohet të gjendet në Çikago të SHBA-së, nuk e ka fshehur identitetin e tij dhe i njëjti posedon edhe fotografi personale të tijat. Me Marrëveshjen e Përzhinës në vitin 2015-të, u formua Prokuroria Speciale, e cila mori për detyrë t?i hetojë rastet të cilat dolën nga përgjimet e paligjshme nga viti 2008-të deri në vitin 2015-të, biseda të cilat i publikonte asokohe Zaev. Pas formimit të PSP-së, këto materiale u ndaluan që të publikoheshin.
Tv Klan
