സേർച്ച് എൻജിൻ ഭീമൻ ഗൂഗിളിന്റെ സർവീസ് ഗൂഗിൾ പേ ഇന്ത്യയില് സജീവമായി മുന്നോട്ടു പോകുകയാണ്. ഈ ദീപാവലിക്ക് വൻ ഓഫറുമായാണ് ഗൂഗിൾ പേ എത്തിയത്. 251 രൂപ മുതൽ ഒരു ലക്ഷം രൂപ വരെ അക്കൗണ്ടിലേക്ക് സമ്മാനമായി ലഭിക്കുമെന്ന് അവകാശപ്പെടുന്ന ഗൂഗിൾ പേയുടെ ക്യാംപയിൻ കഴിഞ്ഞ ദിവസങ്ങളിൽ വൻ വിജയമാണ് നേടിയത്. ഇതോടെ ഈ ഓഫർ ഗൂഗിൾ നവംബർ 11 വരെ നീട്ടുകയായിരുന്നു. ഗൂഗിൾ പേയുടെ ജനപ്രിയ സ്റ്റാമ്പുകളുടെ ശേഖരണ പദ്ധതി നവംബർ 11 വരെ നീട്ടിയതോടെ ഉപയോക്താക്കൾ വൻ പ്രതിഷേധവുമായി രംഗത്തെത്തി. ഗൂഗിൾ ഇന്ത്യക്കാരെ യാചകരാക്കിയാണ് കോടികളുടെ ഇടപാട് നടത്തുന്നതെന്നാണ് ആരോപണം.
