Presidenti amerikan, Donald Trump ka mbrojtur sërish përdorimin e ilaçit për malarien, hidroksiklorinën, si trajtim për koronavirusin e ri, duke qëndruar mbrapa vendimit të tij për të shpërndarë disa video në rrjetin social, Twitter që promovojnë ilaçin në fjalë.
Hidroksiklorina është larguar nga lista e ilaçeve për parandalim apo trajtim të sëmundjes, Covid-19, që shkakton koronavirusi.
Mirëpo Trump, që shumë herë në të kaluarën ka treguar mbështetje për hidroksiklorinën, ka thënë më 28 korrik, se ai beson që ilaçi ka pasur efekt ?në fazat e para?.
Trump i ka bërë këto komente në Shtëpinë e Bardhë, teksa ka tentuar t?i rikthehet diskutimit për rizgjedhje si president, meqë sondazhet e fundit tregojnë se shumica e amerikanëve nuk pëlqejnë menaxhimin e krizës shëndetësore nga ana e tij.
Mirëpo mbështetja e tij së fundmi ka qenë në kundërshtim me rekomandimet e ekspertëve të shëndetësisë publike në Shtetet e Bashkuara, të cilët thonë se ky ilaç nuk duhet përdorur për trajtim të koronavirusit.
Administrata për Ushqim dhe Ilaçe pati lejuar përdorimin e ilaçit në fazat e para të pandemisë, mirëpo muajin e kaluar ka pezulluar autorizimin për të, pasi shumë studime kanë ngritur dyshime për efektin e tij.
Deklaratat e Trumpit kanë ardhur në ditën kur gjashtë shtete amerikane kanë raportuar rekord ditor të numrit të vdekjeve si pasojë e koronavirusit, teksa Shtetet e Bashkuara i afrohen regjistrimit të 150,000 jetëve të humbura nga pandemia.
Sipas agjencisë së lajmeve Reuters, vetëm në ditën e martë në SHBA janë regjistruar 1,300 viktima, njëherësh shifra më e lartë e vdekjeve prej muajit maj.
Gjashtë shtetet që kanë regjistruar numër rekord të vdekjeve brenda një dite janë: Arkansas, Kalifornia, Florida, Montana, Oregon dhe Teksas.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#DonaldTrump#Hidroksiklorina#TopChannel
