ಟೊಯೊಟಾ ಕಿರ್ಲೋಸ್ಕರ್ ಕಂಪನಿಯು ಭಾರತದಲ್ಲಿ ತನ್ನ ಮೊದಲ ರಿಜಿನಲ್ ಸ್ಟಾಕ್ಯಾರ್ಡ್ ಅನ್ನು ಅಸ್ಸಾಂನ ಗುವಾಹಟಿಯಲ್ಲಿ ತೆರೆದಿದೆ. ಈ ಹೊಸ ಸ್ಟಾಕ್ ಯಾರ್ಡ್ ನಿಂದಾಗಿ ಕಂಪನಿಯು ತನ್ನ ವಾಹನಗಳ ವಿತರಣಾ ಸಮಯವನ್ನು ಕಡಿಮೆಗೊಳಿಸಲು ಸಾಧ್ಯವಾಗಲಿದೆ.
ಈ ಸ್ಟಾಕ್ಯಾರ್ಡ್ ನಿಂದಾಗಿ ಸದ್ಯಕ್ಕೆ 13 ದಿನಗಳಿರುವ ವಿತರಣಾ ಅವಧಿಯು ಎರಡು ದಿನಗಳಿಗೆ ಇಳಿಕೆಯಾಗಲಿದೆ ಎಂದು ಕಂಪನಿಯು ಹೇಳಿಕೊಂಡಿದೆ. ಈಶಾನ್ಯ ರಾಜ್ಯಗಳ ವಿತರಕರಿಗೆ ಇದರಿಂದ ಸಹಾಯವಾಗಲಿದ್ದು, ಅವರು ತಮ್ಮ ಗ್ರಾಹಕರಿಗೆ ವರ್ಧಿತ ಖರೀದಿ ಅನುಭವವನ್ನು ನೀಡಲು ಸಾಧ್ಯವಾಗಲಿದೆ.
ಹೊಸ ಸ್ಟಾಕ್ಯಾರ್ಡ್ ವಿತರಣಾ ದಕ್ಷತೆಯನ್ನು ಗಮನಾರ್ಹವಾಗಿ ಹೆಚ್ಚಿಸಲಿದ್ದು, ದಾಸ್ತಾನು ವೆಚ್ಚವನ್ನು ಕಡಿಮೆ ಮಾಡುತ್ತದೆ ಎಂದು ಕಂಪನಿಯು ಹೇಳಿದೆ.
