અમેરિકન ઓનલાઈન સ્ટ્રીમિંગ જાયન્ટ નેટફ્લિક્સનું કન્ટેન્ટ ગલ્ફ દેશોમાં જોખમમાં છે. સાઉદી અરેબિયા અને અન્ય આરબ કોર્પોરેશન કાઉન્સિલ (GCC) દેશોએ મંગળવારે નેટફ્લિક્સને વાંધાજનક સામગ્રી દૂર કરવા જણાવ્યું હતું. આ સાથે એક નિવેદનમાં કહેવામાં આવ્યું છે કે, કંપની દ્વારા પ્રસારિત કરવામાં આવતી સામગ્રી "ઇસ્લામ અને સામાજિક મૂલ્યો" ની વિરુદ્ધ છે. નિવેદનમાં વધુમાં કહેવામાં આવ્યું છે કે, જો નેટફ્લિક્સ આવા કાર્યક્રમોને દૂર નહીં કરે તો તેની સામે કાયદાકીય કાર્યવાહી કરવામાં આવશે.
