القصة كتبدأ فواحد الليلة مظلمة...
كلايد شيلتون، راجل هاني وعايش مع مراتو وبنتو فدارهم.
ولكن القدر دار ليه واحد المفاجأة القاتلة... دخلوا عليه جوج مجرمين للدار، سرقوه، ودارو فيه وفي عائلتو جريمة ما كيتقبلهاش العقل.
شاف بعينيه مراتو كتموت، وبنتو الصغيرة حتى هي... وما قدر يدير والو 😢
مرت السنين، والشرطة قبضات على المجرمين.
كلايد قال: "ها العدالة غادي تخدم، غادي ياخدو حقهم!"
لكن الصدمة الكبيرة جات من المحكمة...
المدّعي العام نِك رايس (جيمي فوكس) دار صفقة مع واحد من القتلة باش يشهد ضد صاحبو، وبهذا خداه حكم خفيف!
كلايد تصدم… شاف العدالة كتبيع وتبدّل فالأحكام بحال السلعة.
ومن داك النهار، قرر مايبقاش مواطن مطيع… قرر يكون مواطن كيصاوب العدالة بطريقتو الخاصة. 😈
دوزات عشر سنين، واللي دالوه فحقّو بدا كيتخلص عليه واحد بواحد…
القاتل الأول كيتلقا ميت بطريقة بشعة، والثاني كيتفجر قدام الناس.
حتى المدّعي العام نِك، بدا كيشك فأن كلايد وراه شي حاجة خطيرة.
لكن المفاجأة الكبرى: كلايد كيتشد ويتحبس…
ولكن الغرابة هي أن الجرائم ما حبساتش!
منين كيدخل الحبس، كتزيد الأمور كتخرج على السيطرة…
كيفاش واحد فالحبس كيدير جرائم برا؟ 🤯
كلشي تصدم، وحتى نِك بدا كيشك أن كلايد ماشي مجرد راجل غاضب، بل عبقري فالتكنولوجيا والاغتيالات، خدام سابقا مع الحكومة!
استعمل ذكاؤه باش يضرب النظام القضائي كامل فالمصران.
وبين الانتقام والعدالة، كتبدأ معركة خطيرة بين راجل فقد كلشي وراجل باغي يحمي النظام.
وفي الآخر... غادي يجي واحد المشهد اللي يخليك واقف بلا ما تحس، وتتسائل:
واش فعلاً العدالة كتخدم الجميع؟ ولا غير اللي عندو نفوذ؟
