इराण आणि इस्रायल यांच्यात सुरू असलेल्या संघर्षाच्या पार्श्वभूमीवर देशात गॅस सिलेंडरच्या पुरवठ्यावर परिणाम होईल अशी भीती नागरिकांमध्ये निर्माण झाली आहे. यामुळे जालना शहरातील गॅस एजन्सीबाहेर नागरिकांनी मोठी गर्दी केल्याचे चित्र पाहायला मिळत आहे.
केंद्र सरकारने घरगुती ग्राहकांना गॅसचा तुटवडा भासू नये म्हणून कमर्शियल गॅस सिलेंडर विक्रीवर बंदी घातल्याची माहिती समोर आली आहे. त्यामुळे अनेक नागरिक घाबरून सिलेंडर घेण्यासाठी एजन्सीकडे धाव घेत आहेत.
तेजस गॅसचे व्यवस्थापक संदीप शिंदे यांनी सांगितले की, सध्या गॅसचा पुरेसा साठा उपलब्ध आहे. ग्राहकांनी घाबरून जाण्याचे कारण नाही. सिलेंडर बुक केल्यास दोन ते चार दिवसांत घरपोच वितरण केले जाईल.
तरीही भविष्यात सिलेंडर मिळणार नाही या भीतीमुळे नागरिक मोठ्या संख्येने एजन्सीकडे येत आहेत. परिस्थिती नियंत्रणात ठेवण्यासाठी काही ठिकाणी पोलिसांनाही तैनात करण्यात आले आहे. नागरिकांनी एजन्सीवर गर्दी न करता ऑनलाईन किंवा फोनद्वारे सिलेंडर बुक करून घरपोच सेवा घ्यावी, असे आवाहन करण्यात आले आहे.
#LPG #PriceHike #LPGShortage #Jalna #AsianetNewsMarathi
