চতিয়া : জামুগুৰিহাটৰ ঐতিহ্যমণ্ডিত বৰপুখুৰী পাৰত দেওবাৰে বিহুৰ এক উলাহ-উদ্বীপনাময় পৰিৱেশ দেখা পোৱা গ’ল । অসমৰ মুকলি বিহুৰ অন্যতম কেন্দ্ৰবিন্দু হিচাপে পৰিচিত এই স্থানত দহ হাজাৰৰো অধিক লোকৰ উপস্থিতিত মুখৰিত হৈ পৰে আকাশ-বতাহ ।
বিয়লি ৫ বজাত বিশিষ্ট সমাজসেৱিকা ৰামেশ্বৰী হাজৰিকাই এই মুকলি বিহু প্ৰতিযোগিতাখন উদ্বোধন কৰে । অসমৰ বিভিন্ন প্ৰান্তৰ পৰা অহা প্ৰায় ২০টা বিহুৱা দলে ইয়াত অংশগ্ৰহণ কৰি একেলগে বিহু প্ৰদৰ্শন কৰে । ডেকাৰ ঢোলৰ ছেৱত নাচনীয়ে হালি-জালি প্ৰদৰ্শন কৰা বিহুৱে দৰ্শকক মন্ত্ৰমুগ্ধ কৰে । এই অনুষ্ঠানত শোণিতপুৰ জিলাৰ আয়ুক্ত আনন্দ কুমাৰ দাসে সভাপতিত্ব কৰে আৰু মৰাণ মহাবিদ্যালয়ৰ অৱসৰপ্ৰাপ্ত অধ্যক্ষ ডঃ অনিল শইকীয়া বিশিষ্ট অতিথি হিচাপে উপস্থিত থাকে ।
প্ৰতিযোগিতাৰ ফলাফল
বিয়লি অনুষ্ঠিত হোৱা এই প্ৰতিযোগিতাৰ শেষত নিশা ফলাফলসমূহ ঘোষণা কৰা হয় । বঁটাপ্ৰাপকসকল হ’ল:
ঐতিহ্যমণ্ডিত এই মুকলি বিহু উপভোগ কৰিবলৈ হাজাৰ হাজাৰ বিহুবলিয়া ৰাইজে নিশালৈকে বিহুতলীত ভিৰ কৰে ৷
লগতে পঢ়ক : ৭২ সংখ্যক সদৌ মঙলদৈ ৰঙালী বিহুৰ মুকলি বিহু প্ৰতিযোগিতা সম্পন্ন
