Mahigit 200 na mga puno sa kahabaan ng Quirino Avenue ang pinutol matapos maglabas ang Department of Environment and Natural Resources ng tree-cutting and earth-balling permit sa lugar. Posibleng tumaas pa ang bilang na ito dahil mahigit 600 ang inaprubahang putulin ayon sa permit.
Bahagi raw ito ng itatayong Southern Access Link Expressway o SALEX project sa lugar.
Ayon naman sa DENR, lahat ng aplikasyon para sa tree-cutting ay dumadaan sa environmental review, technical assessment, at konsultasyon sa lokal na pamahalaan.
Bakit nga ba nagpuputol ng puno sa Quirino Avenue at ano ang posibleng epekto nito? Ipaliliwanag iyan ni Mark Salazar.
