По повод 12 јуни - Светски ден против детскиот труд, Кристијан Нушков од Детската амбасада МЕЃАШИ даде осврт на состојбите во Македонија.
Меѓудругото, не постојат понови податоци за состојбата во Македонија. Бројот на децата жртви на социјална и економска експлоатација е највисок кај најсиромашните семејства и е значително повисок во руралните средини. Најранливи се децата од ромската заедница кои се трипати повеќе изложени на мултидимензионална сиромаштија, како и децата од земјоделските региони.
