শিৱসাগৰ: সততে বিতৰ্কিত মন্তব্যৰে চৰ্চাত থাকি ভালপোৱা ইউনুছ তামুলীৰ বিৰুদ্ধে এইবাৰ নাৰী সন্দৰ্ভত লজ্জাজনক মন্তব্য দিয়াৰ অভিযোগ উত্থাপন হৈছে । নাৰী সমাজে উক্ত বিতৰ্কিত মন্তব্য উঠাই ল’বলৈ আহ্বান জনাইছিল ৷ কিন্তু কোনো গুৰুত্ব প্ৰদান নকৰাত বৃহস্পতিবাৰে জাগৃত নাৰী সমাজ আৰু জাতীয় সংগ্ৰামী মহিলা পৰিষদে ইউনুছ তামুলীৰ ওপৰত বিহিত ব্যৱস্থা গ্ৰহণ কৰিবলৈ শিৱসাগৰ সদৰ থানাত এজাহাৰ দাখিল কৰে ।
জাগৃত নাৰী সমাজৰ সভানেত্ৰী পদ্মা চেতিয়াই বিষয়টো সন্দৰ্ভত কয়, "নিৰ্লজ্জ মন্তব্য কৰা ব্যক্তিজনক শীঘ্ৰে গ্ৰেপ্তাৰ কৰিব লাগে । তামুলী এজন স্বয়ম্ভু নেতা । নিজকে বাঘ সেনা বুলি কয়, কিন্তু তেওঁ বাঘ সেনা নহয়, এটা মেকুৰী হয় ।" তেওঁৰ যদি সাহস আছে সন্মুখত ক’বলৈ আহ্বান জনায় ।
আনহাতে জাতীয় সংগ্ৰামী মহিলা পৰিষদৰ নেত্ৰী ৰিম্পী বড়াই কয়, "এই ইউনুছ তামুলীয়ে শিৱসাগৰলৈ এশ মিঞা আনিব বুলি কৈছিলে । এতিয়া শিৱসাগৰত যে ইমান ড্ৰাগছ ওলাইছে তাৰ ঠিকা ইউনুছ তামুলীয়ে লৈ কমিছন খোৱা নাইতো বুলি সন্দেহ হয় ।" লগতে ইউনুছ তামুলীক অনতিপলমে গ্ৰেপ্তাৰ কৰিবলৈ দাবী জনায় ৰিম্পী বড়াই ।
লগতে পঢ়ক: পান কাৰ্ড, ভোটাৰ কাৰ্ড নাগৰিকত্বৰ নথি নহয়: ২০১৯ৰ ৰায় বাহাল ৰাখি গুৱাহাটী উচ্চ ন্য়ায়ালয়ৰ গুৰুত্বপূৰ্ণ ৰায়
মহানগৰীত সিচঁৰতি হৈ আছে এশ কোটিৰো অধিক জালনোট, সৰবৰাহকাৰীৰ স্বীকাৰোক্তি
