যোৰহাট: জীৱিকাৰ সন্ধানত অসমৰ পৰা বহিঃৰাজ্যলৈ যোৱা যুৱক-যুৱতীৰ লগতে শ্ৰমিক সন্ধানহীন আৰু মৃত্য়ু হোৱাৰ ঘটনা সঘনাই সংঘটিত হৈ আহিছে । ইয়াৰ মাজতেই তামিলনাডুত তেনে এক ঘটনা সংঘটিত হয় । যোৰহাট জিলাৰ মৰিয়নীৰ নাগাজাংকা চাহ বাগিচাৰ জিতেন আগেৰিয়াৰ মৃত্য়ু হোৱাৰ পিছত এতিয়া দুখীয়া পৰিয়ালটোৰ হাহাকাৰ অৱস্থাৰ সৃষ্টি হৈছে ।
তামিলনাডুৰ এটা ব্যক্তিগত প্ৰতিষ্ঠানত কৰ্মৰত যুৱকজন এক দুৰ্ঘটনাত পতিত হৈছিল । পিছত যুৱকজনক ভেল্লোৰ মেডিকেল কলেজত ভৰ্তি কৰোৱা হয় যদিও যুৱকজনে অকাল মৃত্যুক সাবটিবলগীয়া হয় ।
ইয়াৰ পিছতেই আৰক্ষীয়ে যুৱকজনৰ এই ৰহস্যজনক মৃত্যুৰ তদন্ত অব্যাহত ৰাখিছে । আনহাতে আৰ্থিকভাৱে দুৰ্বল পৰিয়ালটোৱে ধনৰ অভাৱত নিজগৃহলৈ মৃতদেহ আনিব নোৱৰাত এইক্ষেত্ৰত সহায় কৰিবলৈ মুখ্যমন্ত্ৰী ডঃ হিমন্ত বিশ্ব শৰ্মাক অনুৰোধ জনাইছে ।
লগতে পঢ়ক :স্বামী-সন্তানেৰে ভৰা সংসাৰ এৰি ক’লৈ গ’ল বনলতা? মঙলদৈত শাহুৰ কাতৰ অনুৰোধ?
কটকৰ পৰাই শেষ যোগাযোগ, ক'ত হেৰাল মণ্টু ?
