বিধানসভাৰ বাজেট অধিৱেশনৰ চতুৰ্থ দিনা সদনৰ বাহিৰত ছিণ্ডিকেটৰ বাবে মূল্যবৃদ্ধি হোৱাৰ অভিযোগ তুলি বিধায়ক অখিল গগৈয়ে ব্যাপক প্ৰতিবাদ সাব্যস্ত কৰে । তেওঁ কয়, "এটা কণীৰ দাম অসমত হ'ব লাগে ৫.৭৫ টকা । আমি সেয়া কিনিছো ৮.৫০ টকাৰ পৰা ১০ টকাৰ ভিতৰত । কাৰণ জয়ন্ত মল্লবৰুৱা আৰু হাগ্ৰামা মহিলাৰীয়ে শ্ৰীৰামপুৰ আৰু বক্সিৰহাট গেটত এটা এটা কণীত ৩ টকা টেক্স লয় । আগতে হিমন্ত বিশ্ব শৰ্মাই এই ঠিকাটো দিছিল পীযুষ হাজৰীকাক । এতিয়া হাগ্ৰামা মহিলাৰী আৰু জয়ন্ত মল্লবৰুৱা ইয়াৰ মালিক হ'ল ৷ সেয়ে জয়ন্ত মল্লবৰুৱাক গলত ধৰি আঁতৰাব লাগিব !’’
