Kon sahi ? Kon Ghalat ? Faisla Apka 😳😳
#YasirShami #Lesco #Mepco #PowerDivison #Loadshedding
آئیسکو کی طرف سےویڈیو شائع ہونے کے بعد موقف دیا گیا جو کہ یہاں شائع کیا جا رہا ہے۔
آئیسکو کے مطابق 132KV اسٹیل پولز کے لیے کل وزن کوئی بنیادی شرط نہیں ہوتی، بلکہ اصل معیار ان کا لوڈ اور ہوا کا دباؤ برادشت کرنا ہے۔ چائنا ریسرچ انسٹی ٹیوٹ (CEPRI) میں ان پولز کے تمام کامیاب ٹیسٹ کیے گئے اور انہی پیمائشوں پر تیاری کی گئی، جس میں وزراتی انکوائری کے دوران بھی کوئی خرابی نہیں پائی گئی۔ایک سمارٹ اور جدید ڈیزائن پرانے ڈیزائن کے مقابلے میں کم وزن ہونے کے باوجود تمام تر برداشتی ٹیسٹ پاس کر سکتا ہے۔ آئیسکو نے اس خریداری کے ذریعے سابقہ کارٹل کی قیمتوں کے مقابلے میں عوام کے 1 کروڑ 59 لاکھ روپے بچائے ہیں۔
آئیسکو کے مطابق جس کمپنی کو ٹرانسفارمر آئل کا کام دیا گیا اس کے پاس ٹرانسفارمر آئل بنانے کی تمام قانونی اور ریگولیٹری اجازتیں موجود ہیں۔ اس پلانٹ کی ابتدائی رجسٹریشن 2001ء میں وزارتِ پٹرولیم سے ہوئی تھی، جس کے بعد اوگرا نے 2016ء تا 2036ء تک یعنی 20 سال کا قانونی لائسنس جاری کر رکھا ہے۔یہ مینوفیکچرر 2013ء سے واپڈا، این ٹی ڈی سی، گیپکو اور میپکو سمیت دیگر سرکاری اداروں کو کامیابی کے ساتھ ٹرانسفارمر آئل سپلائی کر رہا ہے، اس لیے 5 سالہ تجربے اور لائسنس نہ ہونے کا الزام بالکل بے بنیاد اور ریکارڈ کے منافی ہے۔
