Balkampet Sri Renuka Yellamma Rathotsavam : హైదరాబాద్ ప్రసిద్ధి బల్కంపేట శ్రీ రేణుక ఎల్లమ్మ–పోచమ్మ అమ్మవారి రథోత్సవం బుధవారం అంగరంగ వైభవంగా ప్రారంభమైంది. ముందుగా ఆలయంలో అర్చకులు ప్రత్యేక పూజలు నిర్వహించి, సంప్రదాయబద్ధంగా గుమ్మడికాయ కొట్టి మంగళహారతులతో రథోత్సవాన్ని ప్రారంభించారు. అనంతరం అమ్మవారి ఉత్సవ విగ్రహాన్ని ఆలయం నుంచి రథంపై ప్రతిష్ఠించి భక్తుల జయజయధ్వానాల మధ్య రథోత్సవాన్ని ప్రారంభించారు. రథోత్సవంలో సనత్నగర్ ఎమ్మెల్యే తలసాని శ్రీనివాస్ యాదవ్, సనత్నగర్ కాంగ్రెస్ పార్టీ ఇన్చార్జి డాక్టర్ కోట నీలిమ పాల్గొని అమ్మవారికి ప్రత్యేక పూజలు నిర్వహించి రథాన్ని లాగారు.
