విద్యార్థుల విజయాన్ని ముఖ్యమంత్రి రేవంత్ రెడ్డి తన ఖాతాలో వేసుకోవడం సిగ్గుచేటని తెలంగాణ రక్షణ సేన చీఫ్ కల్వకుంట్ల కవిత మండిపడ్డారు. యువతకు ఇచ్చిన హామీలపై ఎక్కడ నిలదీస్తారోనని మీరే ఊరేగింపులు చేస్తారా అంటూ ధ్వజమెత్తారు. కొవ్వొత్తులు పట్టుకొని ఉరేగితే విద్యార్థులు మిమ్మల్ని నమ్మరని, మీ చరిత్ర అందరికీ తెలుసునని సీఎంను ఉద్దేశించి అన్నారు. విద్యార్థులు, యూత్ను పట్టించుకోని ముఖ్యమంత్రి, 21 ఏళ్లకే యువత పార్లమెంట్లో ఉండేలా బిల్లు తెస్తామని చెబుతున్నారని ఎద్దేవా చేశారు. యువతకు ఇస్తామన్న 2 లక్షల ఉద్యోగాలు, జాబ్ క్యాలెండర్, ఫీజు రీయింబర్స్మెంట్ ఏదీ చేయలేదన్నారు. అందుకే రేవంత్ను యువత నమ్మే అవకాశం లేదని పేర్కొన్నారు. అసెంబ్లీలో ఏ బిల్లు పెట్టిన సరే కేంద్రం వద్ద ఆ బిల్లు పాస్ కాకుండా లాలూచీ పడుతున్నారన్నారని ఆరోపించారు. ఇకనైనా ఇచ్చిన మాట నిలబెట్టుకోకపోతే తెలంగాణ యువత రేవంత్రెడ్డిని గద్దె దించటం ఖాయమని తెలిపారు.
