جنوبی کشمیر کے ضلع پلوامہ میں رواں سال بادام کی فصل بیس روز قبل تیار ہو چکی ہے۔ جس کے نتیجے میں اترائی کا عمل بھی قبل از وقت شروع کرنا پڑا ہے۔ موسمیاتی تبدیلیوں نے اس شعبے کو نمایاں طور پر متاثر کیا ہے۔
محکمۂ باغبانی کے ایک افسر شکیل الرحمان نے اس سلسلے میں بات کرتے ہوئے کہا کہ کسانوں کو گھبرانے کی ضرورت نہیں ہے کیونکہ اب بادام کے لئے بھی نئی اقسام کے پودے تیار کئے جارہے ہیں جس سے پیدوار میں مزید اضافہ ہوگا۔
