ਹਾਏ ਮਹਿੰਗਾਈ, ਅੱਕੇ ਲੋਕਾਂ ਦਾ ਸਰਕਾਰ ’ਤੇ ਫੁੱਟਿਆ ਗੁੱਸਾ, ਸਰਕਾਰਾਂ ਨੂੰ ਸੁਣਾਈਆਂ ਖਰੀਆਂ-ਖਰੀਆਂ !

ਬਠਿੰਡਾ/ਲੁਧਿਆਣਾ: ਦੇਸ਼ ਵਿੱਚ ਖੰਡ ਅਤੇ ਹੋਰ ਰੋਜ਼ਮਰਾ ਦੇ ਸਮਾਨ ਦੀਆਂ ਕੀਮਤਾਂ ਵਿੱਚ ਹੋਏ ਵਾਧੇ ਕਾਰਨ ਹਰ ਵਰਗ ਪਰੇਸ਼ਾਨ ਹੈ। ਪਿਛਲੇ 15 ਦਿਨ ਦੇ ਵਿੱਚ ਖੰਡ ਦੀਆਂ ਕੀਮਤਾਂ ਅੰਦਰ 15 ਰੁਪਏ ਤੋਂ ਲੈ ਕੇ 20 ਰੁਪਏ ਤੱਕ ਦਾ ਵਾਧਾ ਹੋ ਗਿਆ ਹੈ। ਜੋ ਖੰਡ 15 ਦਿਨ ਪਹਿਲਾਂ 48 ਰੁਪਏ ਪ੍ਰਤੀ ਕਿੱਲੋ ਦੇ ਹਿਸਾਬ ਦੇ ਨਾਲ ਵਿਕ ਰਹੀ ਸੀ ਅੱਜ ਉਸ ਦੀ ਕੀਮਤ 62 ਰੁਪਏ ਕਿੱਲੋ ਤੋਂ ਲੈ ਕੇ 64 ਰੁਪਏ ਤੱਕ ਵੀ ਪਹੁੰਚ ਗਈ ਹੈ ਜਿਸ ਕਰਕੇ ਗਰੀਬ ਲੋਕਾਂ ਦੇ ਘਰ ਦਾ ਰਸੋਈ ਬਜਟ ਵਿਗੜ ਚੁੱਕਿਆ ਹੈ। ਆਮ ਲੋਕਾਂ ਦੇ ਨਾਲ-ਨਾਲ ਕਾਰੋਬਾਰ 'ਤੇ ਵੀ ਇਸਦਾ ਵੱਡਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਕਾਰੋਬਾਰੀਆਂ ਵੱਲੋਂ ਵੀ ਆਪਣਾ ਦੁੱਖੜਾ ਸੁਣਾਇਆ ਗਿਆ ਹੈ।