Sye Raa Narasimha Reddy” started off as a medium budget film but soon escalated into a massive budget film. Being a historical film the producer Ram Charan is leaving no stone unturned and has imported artists for the shoot.
ఖైదీ నంబర్ 150' వంటి భారీ బ్లాక్బస్టర్తో రీఎంట్రీ ఇచ్చిన చిరంజీవి తన 151వ చిత్రంగా 'సైరా నరసింహారెడ్డి' చిత్రంలో నటిస్తున్నారు. దాదాపు 150 కోట్ల బడ్జెట్తో కొణిదెల ప్రొడక్షన్ కంపెనీ పతాకంపై రామ్చరణ్ ఈ చిత్రాన్ని నిర్మిస్తున్నారు.'ధృవ' వంటి హిట్ చిత్రాన్ని అందించిన సురేందర్రెడ్డి దర్శకత్వంలో ఈ చిత్రం తెరకెక్కుతుంది.
ఇందులో బిగ్బి అమితాబ్ బచ్చన్, తమిళ హీరో విజరు సేతుపతి, కన్నడ హీరో సుదీప్ ప్రధాన పాత్రలు పోషిస్తుండగా చిరంజీవి సరసన నయనతార కథానాయికగా నటిస్తోంది. ఏ.ఆర్.రెహ్మాన్ సంగీతం సమకూరుస్తున్న ఈ చిత్రానికి పలువురు హాలీవుడ్ టెక్నీషియన్లు పనిచేస్తున్నారు.
ఈ సినిమా కోసం హైదరాబాద్ నగర శివార్లలో ఉన్న అల్యూమినియం ఫ్యాక్టరీలో ఓ భారీ సెట్ వేశారు. 1840 నాటి వాతావరణాన్ని ప్రతిబింబిస్తూ, ఆ నాటి బ్రిటీష్ ప్రభుత్వ భవంతులు ఎలా ఉండేవో కళ్లకు కట్టే విధంగా ఈ సెట్ తయారైందని చెబుతున్నారు. మూడు నెలల నుంచి నిర్మాణంలో ఉన్న ఈ సెట్ వర్క్ పూర్తయిందనీ, ప్రారంభంలో ఆ సెట్లోనే వర్క్ జరుగుతుందనీ సమాచారం.
విదేశీనటులు ఈ షూటింగ్లో పాల్గొంటారనీ, మొదట్లో ఓ పది రోజుల పాటు షూటింగ్ జరుగుతుందనీ అంటున్నారు. చిరంజీవి నటజీవితంలోనే ఏ సినిమాకీ ఖర్చు పెట్టనంత భారీ వ్యయంతో ‘సైరా' చిత్రాన్ని నిర్మిస్తున్నారు.
బ్రిటిష్ వారిపై పోరాటం చేసిన 'ఉయ్యాలవాడ నరసింహారెడ్డి' జీవిత చరిత్ర ఆధారంగా తెరకెక్కనున్న ఈ సినిమా కోసం బ్రిటన్ నుంచి దాదాపు 200 మందికి పైగా జూనియర్ ఆర్టిస్టులను రప్పించబోతున్నారట. వాళ్లంతా సినిమాలో బ్రిటిష్ సైనికులుగా నటించబోతున్నారట.
