কলগাছিয়াত বিপদসংকুল যাতায়াতৰ মাজেৰে বিদ্যালয়লৈ ছাত্ৰ-ছাত্ৰী

কলগাছিয়াৰ টাপাজুলিত আজিও বিপদসংকুল যাতায়াতৰ মাজৰে বিদ্যালয়লৈ যাবলগীয়া হৈছে ছাত্ৰ-ছাত্ৰীয়ে । জৰাজীৰ্ণ বাঁহৰ দলঙেৰে পাৰ হওতে বোকাপানী গছকি নদীৰ ইপাৰলৈ আহি বিদ্যালয়ৰ পোছাক পিন্ধিবলগীয়া হয় শিক্ষাৰ্থীসকলে । ইফালে টাপাজুলি পথাৰ গাঁৱৰ পৰা বালিকুৰি, জনতা আদি গাঁৱলৈ যাতায়াত কৰা হাজাৰ হাজাৰ লোকেও প্ৰতিদিনে সন্মুখীন হৈছে একেই সমস্যাৰ । স্থানীয় ৰাইজৰ অভিযোগ দীৰ্ঘদিন ধৰি দলংখনৰ দুৰৱস্থাৰ বাবে বাৰিষা আহিলেই যাতায়াতৰ সমস্যাৰ সন্মুখীন হৈছে ৰাইজ ৷